Unë quhem Jonarda, psikologe e licencuar në Këshillim Psikologjik me trajnime pasuniversitare në CBT dhe psikologjinë pozitive. Si praktikuese private, puna ime si psikologe nis me Psikologu Online ku shqetësimet më të zakonshme të trajtuara janë: çrregullimet e ankthit, stresit, trauma psiko-emocionale, depresioni, probleme në marrdhënie dhe probleme të vetë-vlerësimit.
Përfshirë eksperiencën si psikologe në Shërbimin Social Shtetëror pranë Qëndrës Kombëtare të Viktimave të Trafikimit duke trajtuar kryesisht adoleshentë dhe të rritur me probleme të stresit post traumatik, ankthit, probleme të menaxhimit emocional, probleme të sjelljes, marrdhëniet konfliktuale, ndryshime të humorit, psiko edukim dhe suport psiko-emocional të vazhdueshëm.
Një eksperiencë unike gjithashtu në edukim dhe mësimdhenie pranë Gjimnazit Sami Frashëri, në lëndët sociale.
Kur dikush mendon të shkojë në terapi, është i mbushur me konflikte dhe pavendosmëri nëse kam vërtet nevojë për të, a do të më ndihmojë, a mund ta përballoj dhe si të zgjedh një psikolg? Por sapo të merret ky vendim, ai mund të jetë i lirë. Duhet shumë forcë dhe vullnet për të eksploruar dhe kuptuar veten. Duke e bërë këtë, njeriu mund të fitojë njohuri, të zhvillojë strategji dhe mekanizma përballues për të kapërcyer problemet e tij. Kjo është rruga që do të shkonim së bashku.
Qasja ime në trajtimin e klientëve është gjithëpërfshirëse, duke përdorur një sërë teknikash të ndryshme si terapia konjitive e sjelljes (CBT), terapia e fokusuar në zgjidhje, teknika meditimi apo psikologjia pozitive. Unë besoj fuqimisht se një modalitet nuk funksionon për të gjithë dhe më takon mua të zbuloj teknikat që do të ndihmojnë çdo individ dhe nevojat e tij. Kjo është arsyeja pse stili im i ofrimit të terapisë është mbështetës dhe gjithëpërfshirës dhe ku unë i përshtat ndërhyrjet e mia për të qënë afër cilësive, besimeve dhe çështjeve unike të secilit individ.